Dodaq qaymaq,göz piyalə,dil şəkər,

Günəş görsə,işığını tez çəkər.

Qarşısında lal dil açar,diz çökər.

Yaman gözə gəlməyəsən ay gözəl.

******

Qəddi-qamət inan,canlar alandı,

Pərilərin gözəlliyi yalandı.

Qaşı-gözü yarı dərdə salandı.

Yaman gözə gəlməyəsən,ay gözəl.

******

Yanaqları sanki,dağlar laləsi.

Çox gözəldi,bu elin Xəyaləsi.

Xəstə ayın bil,səndədi çarəsi.

Bir gül kimi solmayasan,ay gözəl.

******

Yamanları ilk baxışdan oxuyur,

Yaxşıları ürəyinə toxuyur.

Hər bir kəsi yaddaşında saxlayır.

Heç vaxt qəmli olmayasan,ay gözəl.

******

Öz dərdin gizlədir,öz dərdin danır,

Özgənin dərdini,öz dərdi sanır.

Hər dayma,özgənin yerinə yanır.

Boş xəyala dalmayasan,ay gözəl.

******

Bu nə qaşdı,bu nə gözdü,qap-qara.

Dara,gözəl saçlarını,sən dara.

Gözəl çöhrən bənzəyir bir bahara.

Ömrün boyu gurlayasan,ay gözəl.

******

Danışanda ətir saçır sözlərin,

İşvələnir,işıq saçır gözlərin.

Yadımızdan çıxmayassan bizlərin.

Ulduz olub parlayasan,ay gözəl.

******

Şeirin müəllifi:Dünya Qarabağlı-Texniki Universitetin İqtisadiyyat və İdarəetmə fakültəsinin tələbəsi.