Mənim gözəl gəlinim,sevimli gəlinim,

Səni dünyası tək,çox sevir anan.

Sən öz övladını sevdiyin kimi,

Mən də öz oğlumu sevirəm inan.

Mənə etdiklərin,sənin bir zaman,

Nəsibin olacaq,sevimli insan.

******

Hər gün “statusa” qoyub,baxırsan,

Oğlunu,qızını sən sevə-sevə.

Bütün babalara,həm nənələrə,

Övladdan əzizdi,şirindi nəvə.

Mənə etdiklərin,sənin bir zaman,

Nəsibin olacaq,sevimli insan.

******

Həyatın qaydası,qanunu budu.

Ağacı əkənlər,meyvəsin dərər.

Kim nə eyləyibsə,inan həyatda,

Zamanı gələndə,əvəzin görər.

Mənə etdiklərin,sənin bir zaman,

Nəsibin olacaq,sevimli insan.

******

Bir alqış eyləyim,sənə həyatda,

Gəlin qismət olsun,sənə,sənin tək.

Sən məni sevərək,hörmət edirsən,

Gəlinin hörmət etsin,sənə,sənin tək.

Mənə etdiklərin,sənin bir zaman,

Nəsibin olacaq,sevimli insan.

******

Sənə can sağlığı,xoş istirahət,

Birdə özün kimi,gəlin istərəm.

Birdə anan kimi,yaxşı bir qohum,

Etdiyinin,gəlhagəlin istərəm.

Mənə etdiklərin,sənin bir zaman,

Nəsibin olacaq,sevimli insan.

******

8 mart münasibəti ilə,gəlnini çox sevən bir ananın xahişi ilə yazmışam.

Şeirin müəllifi:Dünya Qarabağlı-Texniki Universitetin İqtisadiyyat və İdarəetmə fakültəsinin tələbəsi.