İndi kiminsə , yaxını rəhmətə gedəndə dərd onu götürür.Bilmir ki, dərdini cəksin, yoxsa qəbir  yeri axtarsın.

Bu, Bakıda daha çətindir. Şəhərin mərkəzində demirik, Əhmədlidə, Yeni Günəşlidə, Dədə Qorqudda, Hövsanda  qəbir yerləri çox bahadır. Məsələn, Əhmədli  ilə Yeni Günəşli  arasındakı qəbiristanlıqda  yer tapmaq o qədər də asan deyil. Tanışın- bilişin və ən əsası pulun olmasa, rəhmətə gedənini dəfn edə bilməyəcəksən. Orda qəbir yeri 4- -5 min manat arasındadır. Qonşumuzda rəhmətə gedən vardı, adını çəkdiyimiz  yerdə  yer tapa bilmədi.

Daha doğrusu, tapdı ey, baha olduğuna görə imkanı olmadı. Axırda 3500 - ə  Dədə Qorqudda çətinlikəsə də  olsa, yer tapıb , əzizini dəfn edə bildi. Hökumət verdiyi dəfn puluna bel bağlamsa, onda gərək ölün  ortalıqda qala. Elə bilirsiniz belə vəziyyətə düşən adamlar olmur? Olur, niyə olmur!

Xalq artisti, istedadlı və gözəl müğənni, son dərəcə tərbiyəli və ziyalı insan Cavan  Zeynallının  həyat yoldaşı rəhmətə gedəndə pulu olmadığına görə və qəbir yeri baha olduğu üçün rəhmətə gedəni bir neçə gün evdə saxlayıblar. Axırda xanımı Bakıdan aparıb, vətəni Qusarda  dəfn ediblər.Məgər bundan  böyük ədalətsilikmi olar? Xalq artisti həyat yoldaşını  Bakıda dəfn edə bilmədi. Bax , belə indi ölkədə elə bir şərait yaradılmalıdır ki, hər bir insan Bakıda istədiyi yerdə  rəhmətə gedənini dəfn edə bilsin. Bakıda isə qəbiristanlığın müdirləri pul qazanmaq haqqında fikirləşirlər. Kasıbı düşünən kimdir, ay rəhmətliyin uşaqları!!!

Emil Faiqoğlu