Heç kimə sirr deyil ki, sosial şəbəkələr və özəl televiziya kanalları bəsit, bayağı mahnıları təbliğ edir. Bu da birmənalı olaraq insanların zövqünü korlamaqla  yanaşı, həm də o mahnılar ifa edənləri kütlə arasında məşhurlaşdırır.  

Sonradan da  o" müğənniləri çox baha qiymətə toylara aparırlar. Bu " manıs" lar da  tanınadan  sonra   o pullara avtomobillər, evlər alırlar və özlərini reklam edərək camaatın əsəbləri ilə oynayırlar. Bir sözlə toy müğənnilərinin əlindən insanlar lap boğaza yığılıb.  Amma nə yaxşı ki, son vaxtlar Bakı metrosunun stansiyalarında  xalq  və bəstəkar mahnıları səsləndirilir. İnanın adam o mahnıları və musiqini dinləyəndə  əsəbləri sakitləşir, ruhu dincəlir. Özü də metrodan istifadə edən insanlar da bu mahnıları böyük sevgi ilə qarşılayırlar.

Dünyaşöhrətli  sənətkar Rəşid Behbudovun ifa etdiyi" Lalələr" mahnısı çox unikaldır. O mahnını Rəşid bəy elə yüksək sənətkarlıqla ifa edib ki, musiqini dinləyəndə özünü gülün- çiçəyin, lalələrin, yazın içindən hiss edirsən və hiss edirsən ki, yaz yağışı yağır, ürəyinə yaz təravəti hopur.

Özü də Rəşid Behbudov bu mahnını üç- dörd səslə oxuyur və bu  "ağ səs" di. Və  bu " ağ səs" Azərbaycan musiqisində  iki- üç  sənətkarda var. Bunlar yanaşı, metroda Polad Bülbüloğlunun və digər böyük müğənniləri mahnıları səsləndirilir. Qoy, özəl televiziya kanalları gözələrinə  su versin  və Azərbaycan musiqisinin təbliğini Metropolitendən öyrənsin. Əgər öyrənə bilərlərsə...

Emil Faiqoğlu