Qardaşın üstünü kədər alanda,

Qəm-qüssə qardaşa kölgə salanda,

Dəryanın üzündə tənha qalanda,

Bacı da qardaşdan üz döndərərmiş.

******

Həyatın əzabı dərindən-dərin,

Dizini qatlayır böyük bir nərin.

Əhvalı bəd olsa,parlaq səhərin,

Bacı da qardaşdan üz döndərərmiş.

******

Bu dünyanın malı şirindi yaman.

Başının üstünü alarsa duman,

O səni istəyən,o səni sayan,

Bacı da qardaşdan üz döndərərmiş.

******

Hər kəsə deyirlər,əzizdir anan,

Bacıdır,qardaşa ana tək yanan.

Əgər dara düşsən inan,sən inan,

Bacı da qardaşdan üz döndərərmiş.

******

Bacıya həm qardaş,həm ata olan,

Şirin yuxu kimi gözünə dolan,

Qardaş hesabına qələbə çalan,

Bacı da qardaşdan üz döndərərmiş.

******

Bu həyat insanın ziddinə gedir,

Hərəni bir cürə imtahan edir,

Mən deyim sözümü,yaz,sətir-sətir,

Bacı da qardaşdan üz döndərərmiş.

******

Nəyə arxalanaq,nəyə sevinək?

De nədən danışaq,de nəyə dinək?

Bacının etdiyi oğluna örnək.

Bacı da qardaşdan üz döndərərmiş.

******

Şeirin müəllifi:Dünya Qarabağlı-Texniki Universitetin İqtisadiyyat və İdarəetmə fakültəsinin tələbəsi.