İstərəm sevdiyim dönə mən ola,

Ağlasam,ağlaya,duman-çən ola,

Sözləri sözümlə tamam tən ola,

Belə olsa,işıqlanar sabahım.

Olmaz ağrım,olmaz acım,nə ahım.

******

Səhvim olsa üzə deyə,qalmaya.

Söz deyəndə gözündə kin olmaya.

İlan kimi,əqrəb kimi çalmaya.

Belə olsa,işıqlanar sabahım.

Olmaz ağrım,olmaz acım,nə ahım.

******

Dərdim olsa,gözlərimdən bilə,O.

Gözlərimdə dönə suya,selə,O.

Kədər çəksəm,lap dərdimdən ölə,O.

Belə olsa,işıqlanar sabahım.

Olmaz ağrım,olmaz acım,nə ahım.

******

Mənim üçün oddan,alovdan keçə,

İstərəm zəhəri şərbət tək içə.

Milyonlar içində tək məni seçə.

Belə olsa,işıqlanar sabahım.

Olmaz ağrım,olmaz acım,nə ahım.

******

Nə söyüd,nə yovuşan bəsləmirəm mən.

Nə pulu,nə mülkü gözləmirəm mən.

Dəyərsiz insanı izləmirəm mən.

Belə olsa,işıqlanar sabahım.

Olmaz ağrım,olmaz acım,nə ahım.

******

İstəyirəm hər an qeydimə qala,

Ürəyində mənim yerimi sala,

Gər görməsə qəhərlənə,göz dola.

Belə olsa,işıqlanar sabahım.

Olmaz ağrım,olmaz acım,nə ahım.

******

Məhəbbətə böyük önəm verirəm.

Xəyalımda saf bir insan görürəm.

Bu xəyalı yetişdirib,dərirəm.

Belə olsa,işıqlanar sabahım.

Olmaz ağrım,olmaz acım,nə ahım.

******

Şeirin müəllifi:Dünya Qarabağlı-Texniki Universitetin İqtisadiyyat və İdarəetmə fakültəsinin tələbəsi.