Bu gün insanlar iribuynuzlu heyvanların ətindən çox quş və balıq ətinə daha çox üstünlük verirlər.

Və bu da təsadüfi deyil. Çünki mal ətilə  müqayisədə quş və balıq ətində xolesterin azdı. Təbii ki, belə olanda da  bu ətlərə  ehtiyac böyük olur. Azərbaycanda  kifayət qədər quş əti istehsalı ilə məşğul olan fabriklər var.

Əlbəttə, bu fabriklər ilk növbədə ona çalışırlar ki, istehsal etdikləri məhsullar əhali tərəfindən  alınsın və insanlar arasında narazılıq olmasın! Siyəzən Quşçuluq Fabrikinin  istehsal etdiyi quş ətlər də insaf naminə deyək ki,  yaxşıdır. Və biz həmişə dondurulmuş deyil, təzə kəsilmiş quş əti alırıq, özü də bundan məmunuq.

Amma onun içində "selefona"  bükülmüş bir şeyə rast gəldik və elə bildik,onun içində nəsə var. Ancaq onun içində heç nə yox idi. Sadəcə toyuq ağır gəlsin deyə onu ətin içinə yerləşdiriblər.Bu da 60- 70 qram ola- olmaya! Bax bir alıcı kimi bu, bizi çox narahat edir. O, əşyanın şəklini də çəkdik.Dedik, qoy, aidiyyatı qurumlar buna bir aydınlıq gətirsin! Bəlkə sanitar-gigiyenik baxımdan düz ediblər! Bax belə!!!

Emil Faiqoğlu