Məni bağışlayın, əziz müəllim,
Coğrafiya fənnini əzbər bilmədim.
Mən O'nun qoynuna bir sığınacaq,
Uzanan əlinə Vətən söylədim.

Müəllim, atlasdan başım çıxmadı,
Gözünə baxanda gözüm yol çəkdi...
Bütün xəritələr O'na yol aldı,
Nə mən geri durdum, nə O əl çəkdi.

O, mənim sevgimin məskəni oldu,
Şərqi də, qərbi də eşqlə doluydu.
Şəhəri məhəbbət qoxan dünyamın
Sevda boylanırdı hər bir kəndindən.