Bəzən bir peşə sahibinə, bir sənətkara işimiz düşəndə  çətin vəziyyətdə qalırıq.

Çünkü hər peşə sahibi yaxşı sənətkar deyil.Bu yaxınlarda qol saatım xarab olub işləmirdi. Hansı ustanın yanına apardım düzəldə bilmədim. Bir usta da  saatın ora- burasına  baxıb dedi ki, bundan sənə saat olmaz , at canın qurtarsın. Mən də onun sözünə əməl etmədim. Başqa bir ustanın yanına getdim. Onu da deyim ki, saat çox bahalı idi.

Onu düzəldə bilən usta təmir üçün nə qədər  pul istəyir verəcəydim.  Saat ustaya verdim, baxan kimi dedi  ki, hansı naşı saatı bu günə qoyub. Qaş düzəltmək əvəzinə, vurub göz çıxarıb, amma darıxma tez bir vaxtda  düzəldəcəm . Heç on beş dəqiqə keçməmiş usta saatı çox gözəl təmir etdi. Baxdım ki, saatın işləməsinə söz ola bilməz.

Xərci də çox az pul edirdi. Ustaya " çox sağol" - dedim. Və yadıma böyük Nizami Gəncəvinin  aşağıdakı  mısrası düşdü:   Kamil bir palançı olsa da insan, Yaxşıdır, yarımçıq papaqçılıqdan...

Emil Faiqoğlu.