İstedadlı müğənni Eldəniz  Məmmədovun bu gün 50 yaşı tamam olur. Heç kimə bənzəməyən, özünün dəsti-xətti  xətti olan Eldəniz qardaşımız sözün həqiqi mənasında bu xalqın sevimli müğənnisidir.

Hələ" Xalq ulduzu' musiqi müsabiqəsindən əvvəl onu çoxları yaxşı tanımırdı. Qardaşım Elxan oğlanlarına kiçik toy edirdi. O da , toya həmişə yaxın dostu Rəhman Məmmədlini dəvət edirdi, hətta öz toyuna Rəhmanın ansamblı aparırdı və Bakıdan da bir müğənni gətirmişdi. Bu dəfə Rəhman qardaşıma dedi ki, sənin uşaqlarının toyuna elə müğənni gətirəcəm ki, Bəhmənlidə  hamı ona heyran  olacaq. Elə belə də oldu.

Toy günü gördük ki, son dərəcə mədəni, tərbiyəli bir gənc müğənni gəlib. Rəhman və ansamblı başladı, nə başladı. Tanımadığımız bu cavan oğlan Eldəniz  Məmmədov idi.O, xalq və bəstəkar mahnılarını özünəməxsus şirinliklə ifa edir, zilə qalxır, zəngulələr  vurur, bir sözlə, toydakıları təəccübləndirirdi.Həmin toy gecə saat 3- yə kimi davam elədi. Xüsusilə də Eldənizin" oxuduğu " Qarabağ şikəstəsi " hamını heyran elədi və hey kim toyun bitməsini istəmirdi.

Rəhmanın və Eldənizin ifaları Bəhmənlilərin yaddaşına qızıl hərflərlə həkk edildi.Və o vaxtdan qardaşım  Elxanın və bizim dostluğumuz başladı. Sonradan mənim qızımın toyunu , Elxanın  iki oğlunun böyük toyunu yenə Rəhman Məmmədli ilə  Eldəniz qardaşımız apardı.  Və bizim dostluğumuz bu gün də davam edir.Hətta  iyirmi gün bundan öncə  Bəhmənlinin böyük ziyalısı və iş adamı  Süleyman müəllimin yas məclisinə gəlmişdi.Çünki Eldəniz Məmmədov dostluğa, duz- çörəyə sədaqətli insandır.

O, böyük sənətkar İslam Rzayevin tələbəsi olub və həmin yolu uğurla davam etdirir.Onun həm sənəti, həm də insanlığı  bir- birini tamamlayır. Ona görə də hamı onu çox istəyir. Ad günü münasibətilə Eldəniz qardaşımızı  təbrik edir, ona cansağlığı arzulayır və  sənətdə daha yüksək zirvələri fəth etməyi istəyirik. Və gün o gün olsun ki, Əməkdar, Xalq artisti adlarına layiq görülsün. İnşallah , o da olar! Onsuz da Eldəniz Məmmədov xalqın müğənnisidir!!!

Emil Faiqoğlu