Heç kimə sirr deyil ki, bəzi sürücülərin məsuliyyətsizliyi, səhlənkarlığı ucbatından avtomobillər  yoldakı beton maneəni dağıdıb qarşı tərəfdəki yol çıxır. Təbii ki, yol hərəkəti qaydasının kobud surətdə pozulması  heç də qəzasız  ötüşmür.

Bu zaman ən azından avtomobillər toqquşur, ölən  və yaralananlar olur!Əlbəttə bu cür yol - nəqliyyat hadisələri baş verməsə yaxşıdır, amma baş verir. Bir neçə  həftə bundan əvvəl Hava limanına gedən yolda yağışlı havada yüksək sürətlə hərəkət edən yük maşını idarəetmədən çıxıb , beton maneəni dağıdıb qarşı tərəfin yolunda minik avtomobilinin üstündə keçib. Nəticədə avtomobildəki üç sərnişin  hadisə yerində  dünyasın dəyişib. Yük maşının sürücüsünün məsuliyyətsizliyi ağır faciəyə səbəb olub.

Bakı Şəhər Dövlət Yol Polisi İdarəsinin ictimaiyyətlə əlaqələr bölməsinin rəisi Toğrul Nəsirli deyir ki, biz həmişə sürücülər tövsiyə edirik ki, qeyri-sabit hava şəraitində, eləcə də yağış yağanda  diqqətli olsunlar, sürət həddinə əməl etsinlər və ara məsafəsi saxlasınlar. Təəssüf ki, bəzi sürücülər bizim maarifləndirmə işlərinə  soyuq münasibət bəsləyir, nöqsanlarından  nəticə çıxarmırlar. Ona görə də, bir daha sürücülərə tövsiyə edirik ki,  hava şəraitini  nəzərə alsınlar , özlərinin və hərəkət iştirakçıların taleyini  düşünsünlər!

Emil Faiqoğlu