Mehr agentliyinin yaydığı məlumatlara görə,  İran tərəfi bəyan edib ki, ABŞ, Fransa və Böyük Britaniya İsrailə kömək etdikləri təqdirdə, onların hərbi bazalarına hücum edəcək.

 Məlumatda qeyd olunur ki, İsrailə qarşı genişmiqyaslı zərbələr endirilməsi planlaşdırılır.
"İsrailin İrana hücumuna kömək edən istənilən ölkə, atəş nöqtəmizə çevriləcək. Onların Fars körfəzindəki hərbi bazaları, həmçinin Qırmızı dənizdəki gəmiləri raket hücumlarına məruz qalacaqlar"- deyə məlumatda bildirilir.

 İsrailin İrana, İranın isə İsrailə hücumlarından sonra, ABŞ prezidenti Donald Tramp bəyənatla çıxış edərək, vəziyyətin gərginləşdirilməsinin dayandırılmasını "tələb" edib.

 Amerikan lideri qeyd edib ki, İranın İsrailə endirdiyi zərbələrin nəticələri "gözləntilərin üstünə çıxıb". Yəni Tramp hesab edirdi ki, İran belə müqavimət göstərmək gücündə olmamalıydı.

  Rüstəm Hacıyev