Son günlərin istisi lap dəhşətdir.Hər yerdə olduğu kimi, Bakıda da havanın temperaturu çox yüksəkdir. Təbii ki, belə hava şəraitində günün altında işləyən adamlar özlərini qorumalıdır.

Xüsusilə  də , mənzil tikintisində  çalışan və açıq havada işləyən insanlar bu cür çətinliklərlə üzləşirlər. Mövcud qaydaya görə , müsbət 40 dərəcə isti olarsa, günün altında işlər dayandırılmalıdır.

Çox təəsüf ki, bəzi Mənzil Tikinti Kooperativləri  isti havada qanunları pozur, fəhlələri günün altında işlədirlər! İyulun 24- də saat 13:15 dəqiqədə Yeni Günəşlidə ( köhnə hərbi hissənin yanında) tikilən çoxmərtəbəli binada fəhlələr günün altında işləyirdilər.

Hansı ki, belə bir isti havada, günün altında çalışmaq qanun pozuntusudur! Dövlət Əmək Müfəttişliyi bu qanun pozuntusunu görsə,heç şübhəsiz, qanun pozuntusuna görə, tikinti şirkəti  inzibati məsuliyyətə cəlb edər! Hər halda, kimliyindən və hansı şirkət olmasından asılı olmayaraq, bütün hüquqi, vəzifəli şəxslər  qanuna əməl etməlidir!

Emil Faiqoğlu