Biz görmüşük ki, bir qəza baş verən kimi  aidiyyəti xidmət sahəsi bir neçə saat ərzində o qəzanı aradan qaldırır.Amma Suraxanı Su Kanal İdarəsi belə deyil.Çünkı  qəza ilə bağlı məlumat verilir, günlər , həftələr keçsə də gəlib  mövcud nöqsanları aradan qaldırmırlar.Fakta istinad edək.Suraxanı rayonu Yeni Günəşli yaşayış sahəsinin " D" massivindəki 13 nömrəli binada kanalizasiya xəttində yaranmış  qəzadan sonra zirzəmini çirkab  sular basıb.

Oradan çəkdiyimiz görüntüləri də  ələqədar qurumun diqqətinə çatdırırıq.Zirzəmini  çirkab sular basması ilə bağlı 13 -cü binanın  sədri Fərman müəllim dəfələrlə Su Kanal İdarəsiini məlumatlandırib, sifarişlər verib. Axırıncı dəfə isə martın 1-də aidiyyəti quruma müraciət edib.Çünki çirkab suyun səviyyəsi tədbir görülmədiyinə görə günbəgün artır.Marrın 2- də isə zirzəmidən  gedən  istilik xəttində  qəza yaranıb. " Azəristiliktəchizat" ın Suraxanı rayon sahəsinin əməkdaşlara çirkab suyun əlindən zirzəmiyə girib  qəza nı aradan qaldıra bilmirlər.Sahə rəisi Məhəmməd müəllim deyir ki, gərək Su Kanal İdarəsi çirkab suları təmizləsin bundan əməkdaşlarımız təmir işləri apara bilsin.

O sular təmizlənməyənə qədər zirzəmidə təmir işləri görə bilməyəcəyik.Ona görə də baş vermiş qəza ilə əlaqədar  " Azəristiliktəchizat" ın əməkdaşları  13 nömrəli binanın1-ci blokundan 5- ci blokuna kimi istiliyin  verilməsini dayandıriblar.Binanın sakinləri isə bu soyuq havada istilik almadığına görə aidiyyəti qurumdan narazılıq edir , yuxarı  təşkilatlardan kömək istəyir. Əgər Su Kanal İdarəsi mövcud nöqsanları vaxında aradan qaldırsaydı, binaya istilik verilməsi də dayandırilmazdi.Bir sözlə, hər iki adını çəkdiyimiz qurum zəhmət çəkib  qəzanı aradan qaldırmalıdir. Çünki bina sakinləri hər ay həmin təşkilatlar  su pulu, istilik pulu ödəyir!!!

Emil FAİQOĞLU