Bu gün Bakının istənilən yerində it sürüsünə rast gəlmək mümkündür. Hətta bir  neçə gün əvvəl metronun " İçərişəhər" stansiyasından çıxıb, Filormaniya  bağında üzü aşağı düşüb dəniz tərəfə gedəndə bir neçə it gördüm. Düzdür, onlar mənə hücum eləmədi və parkın içində gözdən itdilər...

Amma Suraxanı rayonunun Yeni Günəşli yaşayış sahəsinindəki it  sürüsü belə deyil. İki hadisəni yada salacağam hər şey sizə aydın olacaq! Aprelin 14- də  saat 18: 30- da dörd oğlan uşağı məscidin yanından velosipedlə gedəndə 9 it onlara hücum çəkdi... Uşaqlar qorxularından  qışqırdılar.Ki, itlər onları tutmasın! Əgər onlar velosipedin sürətin artırmasaydılar, bəlkə də itlər onları  parçalamışdılar. İkinci hadisə isə həmin gün bir saat bu əhvalatdan sonra poçtun yanında oldu. Belə  ki, yolun kənarında yatmış  it sürüsü ordan keçib gedən yeniyetmə oğlanların dalınca düşdü.

O uşaqlar da  qaçıb birtəhər itlərdən canların qurtardılar.İndi görən Yeni Günəşlidə insanların həyatı necə təhlükə qarşısındadır. Axşam və gecə saatlarında isə  güçəyə  çıxmaq və harasa getmək  çox qorxuludur. Gecə  vaxtı  o sahibsiz itlər bir neçə nəfəri tutub da! Əvvəllər sahibsiz itlər küçələrdən yığılar, başqa bir yerə aparılar , ya da öldürülərdi. Ancaq indi heyvanların hüquqlarını qoruyan qurumlar buna imkan vermir. İnsanlara nə olur, olsun , amma təki heyvanlara  bir şey olmasın!

Çox təəssüf ki, bizdə heyvanların hüquqları, insanlardan daha yaxşı qorunur! Bu isə ədalətsizlikdir! İtlər uşaqlara, eləcə də yaşlı insanlara hücum edəndə onlar qorxu hissi yaşayırlar.belə olanda heç şübhəsiz ki, həmin insanlar  şəkər, ürək xəstəliyi  keçirə bilər! Ona görə də, bu barədə  əlaqədar  qurumlar cıddi  düşünməli və çıxış yolu tapmalıdır!

Emil FAİQOĞLU