ABŞ prezidenti D.Trampın verdiyi qərarlar bir çox dövlətlər kimi Çinin də xoşuna gəlməyib.

Adalet.az xəbər verir ki, ABŞ-ın bu gün, fevralın 4-dən qüvvəyə minən Çindən mal idxalına tətbiq etdiyi 10%-lik rüsumlara cavab gəlib. Beləki, Çin ABŞ-dan neft, kiçik minik avtomobilləri, pikap və kənd təsərrüfatı texnikası idxalına 10% rüsum tətbiq etdiyini açıqlayıb. Bu arada Dövlət Şurasının qərarı ilə ABŞ-dan idxal edilən kömür və maye qazın idxalına 15 faiz gömrük rüsumları tətbiq olunacaq.

Kommersant.ru yazır ki , cavab tədbirləri Çin Xalq Respublikası Dövlət Şurası yanında Tarif və Təsnifat Komitəsi tərəfindən elan edilib .

Press- relizdə bildirilir ki, ABŞ-ın birtərəfli qaydada rüsum tətbiq etməsi Ümumdünya Ticarət Təşkilatının (ÜTT) qaydalarını ciddi şəkildə pozur və həmçinin “Çin və ABŞ arasında normal iqtisadi və ticarət əməkdaşlığına” mane olur.

Xatırladaq ki, fevralın 1-də ABŞ prezidenti Donald Tramp Meksika, Kanada və Çindən gələn mallara gömrük rüsumlarının tətbiq edilməsi haqqında fərman imzalayıb. O, iddia edir ki, bununla o, seçkiqabağı öhdəliklərindən birini yerinə yetirir: ölkəyə qeyri-qanuni miqrant axınını və fentanil qaçaqmalçılığını dayandırmaq.

Çindən idxala tariflər 10%, Meksika üçün 25%, Kanada üçün enerji resursları üçün 10%, digər mallar üçün 25% olacaq.

Çin də ÜST-ə şikayət edəcəyinə söz verib.

Əntiqə Rəşid