Tramp: Rusiya gərginliyi davam etdirsə, Polşa və Baltikyanı ölkələri müdafiə edəcəyik
ABŞ Rusiya ilə gərginliyin artacağı təqdirdə Polşa və Baltikyanı ölkələrə müdafiə yardımı göstərəcək.
Adalet.az-ın məlumatına görə, bunu ABŞ Prezidenti Donald Tramp Ağ Evin mətbuat xidmətinin əməkdaşları ilə görüşündə deyib.
"Bəli, mən bunu edəcəyəm", - o, Rusiya ilə gərginliyin artacağı təqdirdə ABŞ-nin Baltikyanı ölkələr və Polşaya kömək edib-etməyəcəyi ilə bağlı suala cavabında deyib.
2025-ci il sentyabrın 10-na keçən gecə Rusiyanın Ukraynanın qərbinə genişmiqyaslı hücumu zamanı bu ölkənin onlarla pilotsuz təyyarəsi Polşanın hava məkanını pozub. Hərbçilər təhdid edən pilotsuz təyyarələrin vurulduğunu, onların qalıqlarının sərhəd bölgələrində tapıldığını, lakin itkilərin olmadığını bildiriblər.
Polşanın Baş naziri Donald Tuskun sözlərinə görə, sentyabrın 9-dan 10-na keçən gecə ölkənin hava məkanının 19 pozuntusu faktı qeydə alınıb. Hadisədən sonra NATO Polşanın xahişi ilə alyans üzvləri arasında məsləhətləşmələrə başlamaq üçün Şimali Atlantika Müqavilənin 4-cü maddəsini işə salıb.
Daha sonra, sentyabrın 19-da Rusiyanın üç təyyarəsi Estoniya sərhədini pozaraq ölkənin hava məkanında 12 dəqiqə qalıb. Uçuşun Baltik dənizindəki Polşanın "Petrobaltic" neft platforması üzərindən uçduğu bildirilir.
Digər Xəbərlər
17 Noyabr 2026 23:22
Rusiyada hərbi təyyarə qəzaya uğrayıb, 19 nəfər ölüb - YENİLƏNİB
17 Noyabr 2026 22:12
Məkkə paktına üzv ölkələrin növbəti görüşü Almaniyada baş tutacaq - Hakan Fidan
17 Noyabr 2026 19:00
Şeybani: Türkiyədəki 700 mindən çox vətəndaşımız Suriyaya qayıdıb
17 Noyabr 2026 18:51
Hakan Fidan: Suriyanın ərazi bütövlüyü məsələsində həssasıq
17 Noyabr 2026 17:47
Fransa polisindən minə yaxın əməkdaş... - ŞOK RƏQƏM
17 Noyabr 2026 17:27
İran Xameneinin ölümünə görə 159 nəfərə ittiham irəli sürüb
17 Noyabr 2026 17:05
Trampdan İrana xəbərdarlıq: Buna çox ciddi yanaşırıq...
17 Noyabr 2026 14:45


Bakı -°C

