Bu gün bazar və marketlərdə  vaxtından tez istixanalarda yetişdirilmis alça, çiyələk, qarpız, şaftalı və digər  meyvələr satılır. Özü də çox baha qiymətlərə. Məsələn, alçanın bir kiloqramı yüz manata.

Eləcə də başqa meyvələrin də qiymət od tutub yanır. Təbii ki, pullu adamlar o meyvələrdən alırlar. Amma onların dadı mövsümdə yetişən alcanın, çiyələyin, qarpızın dadın vermir. Baş düşmək olmur ki, insanlar niyə mövsümdən qabaq bu zəhər dadan meyvələri yemək istəyir. Hansı ki, o meyvələr istixanada  el dilində demiş olsaq, dava- dərmanla  yetişdirilir. Tanınmış həkim, tibb elmlər namizədi Rəşid Mahmudov bizimlə söhbətində dedi ki, vaxtıdan tez istixanalarda  yetişdirilmis meyvələri yemək insanlarda  mütəlif xəstəliklər yarada bilər, çünki o məhsullara  nə qədər  dava- dərman edilir, onu bir Allah bilər. Əlbəttə, bu meyvələrin istehlakı sonda insanı mədə- bağırsaq xəstəliyinə qədər gətirib çıxara bilər.

Biz meyvələri ona görə yeyirik ki, onun tərkibində çoxlu vitaminlər var, onların bizə xeyirli dəyər. Belə meyvələr isə günəş şüası altında  yerişir. Həmin meyvələr isə  mövsümündə  yeyilsə , daha xeyirli olar.Və bizim hər birimiz tələsməməli, o mövsümü gözləməliyik.Bax onda yeyilən meyvələr dadlı olur, insana xeyri var.  Göründüyü kimi, Rəşid Mahmudovun fikirləri ilə razılaşmalı, onun məsləhətinə  qulaq asmalıyıq ki, vaxtında tez istixanada yetişdirilmiş bu meyvələri yeyib pis vəziyyətə düşməyək. Yəni qaş düzəltdiyimiz yerdə vurub , göz çıxarmayaq!!!

Emil Faiqoğlu