ABŞ prezidenti Donald Tramp Rusiya prezidenti Vladimir Putinlə Macarıstanın paytaxtı Budapeştdə görüşünün iki həftə ərzində ola biləcəyini bildirib.

Adalet.az xarici mediaya istinadla xəbər verir ki, Tramp  dərman qiymətləri ilə bağlı mətbuat konfransı keçirib, Rusiya-Ukrayna və Qəzza gündəminə dair açıqlamalar verib.

O, Putinlə telefon danışığının çox faydalı olduğunu və müharibənin sona çatması üçün danışıqlar prosesinin sürətləndirilməsinin lazım olduğunu vurğulayaraq, həm Rusiya, həm də Ukraynanın hərəkətə keçməli olduğunun vacibliyini qeyd edib. 

Rusiya-Ukrayna müharibəsini daha asan həll edə biləcəyinə inandığını ifadə edən Tramp, bu günə qədər müharibəni dayandıra bilməməsindən məyus olduğunu vurğulayıb.

Vasif ƏLİHÜSEYN