Bir neçə gün bundan əvvəl Bakının Suraxanı rayonunun Yeni Günəşli yaşayış sahəsində   ət satışı köşkünün yanında ağaca bağlanmış dana kəndiri qıraraq qaçıb.

Biz bunu 50 nömrəli marşrutda gələndə gördük! Dana sürətlə üzü Köhnə Günəşliyə  tərəf qaçırdı.Özü də avtomobil yoluyla.Heç sahibinin də hələ xəbəri yox idi. Nə yaxşı insanlara hücum eləmirdi.

Qarşısına çıxan adamlar bu təhlükəni  hiss etdiyi üçün həmin yerdən uzaqlaşırdılar. Balaca uşaqlar isə  dananın dalınca qaçırdılar. Böyüklərdən kimsə , onları başa saldı ki,bu,çox təhlükəlidir və dana sizi bura bilər.

Ona görə də,uşaqlar tay onun dalınca qaçmadılar. Ümumiyyətlə, belə hadisələr zamanı dananı hörkütmək olmaz. Çünki onda heyvan daha da qəzəblənir  və insanlara hücum çəkir.

Türkiyədə  də belə hadisələr tez-tez olur və bəzən dana marketə , mağazaya girir . Onu sakitləşdirib tuturlar. Amma bu dana yolboyu qaçırdı və heç kimə də zərər toxundurmurdu. Sonradan öyrəndik ki, əlaqədar qurumların kölməy ilə  dananı tutub, qəssabxanaya gətiriblər! Bir sözlə, ət satışı ilə məşğul olanlar daha məsuliyyətli olmalı, heyvanları təhlükəsiz yerdə saxlamalı,insanların həyatı üçün təhlükə yaratmamalıdırlar!!!

Emil FAİQOĞLU