"Blogerlərin artdığı dönəmdə media savadlılığı vacibdir" - MŞ sədri

Medianın İnkişafı Agentliyi tərəfindən 16-22 dekabr tarixləri “Media Savadlılığı” həftəsi kimi keçirilir.
Bu layihənin təşkil olunmasında məqsəd informasiya bolluğu içində insanların yayılan informasiyalara qarşı təhlil bacarıqlarının inkişaf etdirilməsinə təkan verməkdir.
Media savadlılığı barədə Bakıvaxtı.az-a danışan Mətbuat Şurasının sədri Rəşad Məcid bildirib ki, yeni qəbul olunmuş “Media haqqında” qanunda media savadlılığı ayrıca bir bölmə kimi yazılıb.
R.Məcid sosial medianın inkişaf etdiyi, müxtəlif dezinformasiyaların çoxaldığı, blogerlərin, internet TV-lərin, yutuberlərin artdığı dönəmdə media savadlılığı vacibdir və bu mənada Medianın İnkişafı Agentliyinin başladığı bu media savadlılığı həftəsi yüksək qiymətləndirilməlidir.
Həm Medianın İnkişafı Agentliyinin əməkdaşlarının, həm də Mətbuat Şurası İdarə Heyətinin üzvlərinin maarifləndirici fikirlərlə çıxış etdiklərini diqqətə çatdıran ekspert onu da vurğulayıb ki, ümumiyyətlə Medianın İnkişafı Agentliyi ilə Mətbuat Şurası bölgələrdə digər tədbirlər keçirilərkən də media savadlılığı ən vacib element kimi qabardırılır:
“İndi yazılan hər bir sözün, deyilən hər bir fikrin doğru olub-olmadığı insanlara aşılanmalıdır. Çünki peşəkar mediadan fərqli olaraq dırnaq arası media və jurnalistlər peyda olub. Onların söylədiyi fikirlər isə adətən dəqiqləşdirilməmiş xəbərlər olur. Həmçinin onlar bəzən bilərəkdən başqasını ləkələmək üçün də belə edirlər. Bunun qarşısını almaq üçün də media savadlılığı vacibdir. Media savadlılığı əsasən cəmiyyətə, ictimaiyətin nümayəndələrinə aiddir ki, yayılan xəbərlərə biraz şübhə ilə yanaşsınlar və qeyri-ciddi mənbələrin xəbərlərinə inanmasınlar”.
Digər Xəbərlər

"Konstitusiya və Suverenlik İli": Naxçıvanda məlumat sessiyası keçirildi - FOTO

Konstitusiya ilə bağlı media nümayəndələri üçün məlumat sessiyası keçirilib - FOTOLAR

Əhməd İsmayılov MEDİA könüllüləri ilə görüşdü - FOTOLAR

Media nümayəndələri üçün seminar keçirildi - FOTOLAR

Azərbaycan və Özbəkistan arasında media sahəsində əməkdaşlığa dair müzakirələr aparıldı - FOTOLAR

Əhməd İsmayılov Aida Balayeva ilə görüşüb - FOTOLAR

"Media dövlət və cəmiyyət arasında körpü rolunu oynayır" - Əhməd İsmayılov
