Bu gün Bakıda sərnişinlər bəzi marşrutların fəaliyyətindən, işindən narazılıq edirlər. Onlardan biri də metronun " Koroğlu" stansiyasının yaxınlığındakı dayanacaqdan   Maştağa qəsəbəsinə hərəkət edən 131 nömrəli marşrutdur.  

Aprelin 4- də  saat  10: 40 - da Maştağadan " Koroğlu" istiqamətinə hərəkət edən   avtobus  Zabrat qəsəbəsindəki dayanacaqda  saxlamadı. Bir qadın bir neçə dəfə  "saxla" desə də sürücü bunu eşitməzliyə  vurdu. Axırda xanım bərkdən səslənib dedi: " Bayaqdan qışqırıram  ki, astonovkadı, saxla , saxlamırsan! Qulağında telefon kiminləsə danışırsan, belə xidmət olmaz axı! Sürücü isə  soyuqqanlı halda dilləndi:"Deyərdin, saxlayardım " Qadın isə yenidən əsəbi halda gileyləndi:" Üç dəfə dedim ey, saxla,saxlamadın. İndi bir astonovka  geri qayıtmalıyam" .

Tay bu dəfə sürücü bir söz demədi və dayanacaqda avtobusu saxladı. Xanım avtobusda düşüb geri qayıtdı. Avtobusdakı sərnişinlər isə sürücünü qınadı.Dedilər ki, qadın düz deyir də! O niyə deməlidir ki, saxla düşüm! Sizin borcumuzdur ki, hər dayanacaqda avtobusu saxlayasınız. Bayaqdan fikir veririk yolboyu mobil telefon qulağınızdan   düşmür.

Bilmək olmur ki, siz sərnişin daşıyırsınız, yoxsa, telefonla danışırsınız?! Bax bəzi sürücülər belə xoşagəlməz hərəkətlər edir, mobil telefonla danışır, yol hərəkəti qaydalarını pozur və nəticədə qəzalar qaçılmaz olur!

Emil Faiqoğlu