“USS Abraham Lincoln” təyyarədaşıyan gəmisinin rəhbərlik etdiyi zərbə qrupu Hind okeanında ABŞ Mərkəzi Komandanlığın (CENTCOM) məsuliyyət zonasına daxil olub.

Adalet.az xəbər verir ki, bu barədə “Fox News”a ABŞ rəsmisi məlumat verib.

Mənbə bildirib ki, “Abraham Lincoln” İrandan artan təhdidlər fonunda Hind okeanında CENTCOM-un məsuliyyət zonasına daxil olub.

Vaşinqton İran ətrafında artan gərginlik fonunda regionda təkcə dənizdə deyil, həm də hava və quruda hərbi mövcudluğunu gücləndirir. Artıq Yaxın Şərqdə F-15 qırıcı təyyarələri və C-17 hərbi nəqliyyat təyyarələrindən ibarət eskadrilya yerləşdirilib.