Ronald Reyqanın keçmiş xüsusi köməkçisi, Katon İnstitunun baş elmi işçisi Duq Bandou, The American Conservativeyə müsahibəsində, ABŞ prezidenti Dinald Trampa məsləhət görüb ki, Ukrayna lideri Volodimir Zelenskiyə amerikan ordusunun Ukraynaya göndərilməsi məsələsundə sərt şəkildə "yox" desin.

 Məqalə müəllifinin fikirincə, Zelenski Trampa tabeçiliyində olan işçisi kimi yanaşır. "Tramp, beynılxalq məsələlər üzrə əsas köməkçiləri ilə birlikdə ona, təkcə "yox" deyil, "cəhənnəm ol" deməlidir".

 Ekspert Trampı "Ukrayna müharibəsinə "düşünülməmiş müdaxilə etməkdən çəkinməyə" çağırıb. "Prezident Avropanın təhlükəsizliyinin qorunmasını, avropalıların öhtəsinə buraxmalıdır"- deyə Bandou  sözünü yekunlaşdırıb.  

 Beləliklə, Zelenskinin "Rusiyaynı sıxışdırmaq və sülhü zor gücünə əldə etmək" çağırışının ABŞ tərəfindən rədd edilməsinin şahidi oluruq. Əvvəllərdə qeyd etdiyumiz kimi, Qərb və ABŞ-ın  Rusiyanı çökdürmək üçün Ukraynadan  "qurbanlıq" kimi istifadə edəcəyi fikirlərimiz özünü doğrultmaqdadır.

 Görünən odur ki, Birləşmiş Ştatlar Ukraynaya hərbi yardım göstərməyi dayandırmaq ərəfəsindədir. Avropanın isə hərbi dəstək göstərmək imkanları məhduddur. Yəni tezliklə Ukraynanın meydanda tək qalmaslnı müşahidə edə bilərik. Çox təssüf ki, Ukrayna əvvəldən Bayden administrasiyasının oyunlarına inandı və bu oyunların qurbanına çevrilməyə razılıq verdi...

 Rüstəm Hacıyev