Rusiya Federasiyasının BMT-dəki daimi nümayəndəsinin müavini Dmitri Polyanski bildirib ki, ABŞ və Rusiya, Suriyadakı vəziyyəti müzakirə etmək üçün, təcili olaraq Təhlükəsizlik Şurasının iclasının keçirilməsinə çağırıb. 

 "Rusiya və ABŞ, Suriyanın qərbində baş verən qarşıdurmalar nəticəsində dinc əhaliyə qarşı zorakılıq hallarının qarşıspnın alınması ilə bağlı məsləhətləşmələr aparılması üçün, BMT TŞ-nın təcili iclasını çağırıblar"- deyə Polyanski Telegram kanalında yazıb.

 Rusiyalı diplomatın sözlərinə görə, Suriyadakı qarşıdurmalarda 130-dan çox dinc əhali həyatını itirib.

 Çox maraqlıdır, görəsən ABŞ və Rusiya Suriyadakı vəziyyətə görə, bu qədər "narahatdılarsa", bəs onda eç iddən artıqdır elə ABŞ və Rusiyanın iştirakı ilə başlayan, bu gün də, qanlı döyüşlər gedən müharinədə Ukraynada qətlə yetirilən yüz minlərlə insana görə niyə əl-atağa düşmürlər? Ukrayna ərazisində qanlı döyüşləri, zorkılıqları dayandırmaq üçün niyə TŞ-nın iclasını çağırmırlar?... 

 Rüstəm Hacıyev