Bu gün Rusiyanın Ermənistana sevgisini isbatlayan “Armeniya” gəmisinin batırılmasından 83 il ötür.

Adalet.az xəbər verir ki, 1928-ci ildə Leninqradda “Ermənistan” sərnişin-yük termal gəmisi qurulub və elə həmin ildə də gəmi suya salınıb. 1941-ci il noyabrın 7-də içərisində bir neçə min yaralı döyüşçünün və təxliyə edilmiş vətəndaşların olduğu gəmi alman aviasiyası tərəfindən Krım yaxınlığında batırılıb. Məlumatlarda deyilir ki, gəmiçilik tarixində ən böyük dəniz fəlakətlərindən biri hesab edilən gəminin göyərtəsində təxminən 6-10 minə qədər insan olub.
Maraqlıdır ki, gəmi batırıldıqdan 79 il sonra Krımdan 15 km məsafədə 1,5 km dərinlikdə tapılıb. Onu tapmaq üçün 20 il vaxt və 300 kvadrat km ərazini araşdırmaq tələb olunurdu. Əməliyyatlardan birinə, 1985—ci ildə Titaniki və 1989-cu ildə Alman “Bismark” gəmisinin qalıqlarını aşkar edən məşhur Amerika okeanoqrafı Robert Ballard da cəlb edilmişdi.

2020-ci ilin mart ayında müntəzəm bir axtarış zamanı hidrolokatorla hərtərəfli araşdırıldı. Tədqiqat göstərdi ki, yerində, həqiqətən, dərinliklərdə nəsə bir obyekt var ki o da “Armenia”nı xatırladır.Tapılan gəminin “Armenia”olduğunu təsdiqləmək üçün sualtı qurğunun bir neçə dərinə enməsi lazım idi. Nəhayət gəminin adı gəmi üzərində də göründü.

 Əntiqə Rəşid