Ankara İsveçin NATO-ya daxil olması üçün şərtlərini açıqlayıb

Türkiyə Prezident Administrasiyasının Kommunikasiya Şöbəsinin rəhbəri Fahrettin Altun İsveçin “Expressen” qəzetində dərc olunan məqaləsində qeyd edib ki, Türkiyənin haqlı narahatlıqları aradan qaldırılmayana qədər İsveç NATO-ya üzv ola bilməyəcək.
“Türkiyə kimi terrorun hədəfində olan ölkələr ikili standartları aradan qaldırmaq üçün var gücü ilə çalışırlar. Bunu nəzərə alsaq, İsveçin öz mövqeyinə yenidən baxmadan NATO-ya üzv olmaq cəhdinə müşahidəçi qalmaq Türkiyə üçün qəbuledilməzdir. Türkiyədə günahsız insanlara qarşı cinayətlərdə iştirak etmələrinə baxmayaraq, İsveçdə siyasi sığınacaq tapan şəxslərlə mübarizə, bizim nöqteyi-nəzərimizdən, ittifaqın ayrılmaz şərtidir”, - Altun məqaləsində yazıb.
O, əmin olduğunu bildirib ki, Türkiyə hökuməti Stortorgetdəki hücuma görə məsuliyyət daşıyan terror təşkilatına sığınacaq versə, İsveç xalqı bu gün türklərin yaşadığı hissləri yaşayacaq.
“Şübhəsiz ki, İsveçin belə bir terror təhlükəsi ilə təhdid edilməməsinə şadıq. Lakin mən çox açıq şəkildə bildirmək istəyirəm ki, İsveç Türkiyənin haqlı narahatlıqları həll olunmayana qədər NATO-ya üzv ola bilməyəcək. Əgər İsveç NATO-nun ikinci ən böyük ordusununun hücum anında ölkənin müdafiəsinə qalxacağını gözləyirsə, bu faktı qəbul etməlidir”, - məqalədə bildirilib.
Digər Xəbərlər

Pezeşkian 12 günlük müharibə zamanı yaralanıb

“Prezident olmaq çox təhlükəli işdir” - Tramp

Türkiyədə yaşayış binası yandı: ölənlər var - FOTOLAR

Netanyahu: İran İsrailə qarşı nüvə silahından istifadə etməyə hazırdır

Suriya-Türkiyə sərhədi 24 saatlıq iş rejiminə KEÇİR

Ərdoğandan sərəncam: TRT rəhbəri dəyişdi

Ərdoğan İraqın baş naziri ilə PKK-nın tərksilah edilməsini müzakirə edib
