Hazırda erməni media orqanları Xocavənd rayonunun Ataqut kəndinin fotolarını paylaşaraq məzlum erməni obrazında şivən qoparırlar. Ermənilər iddia edir ki, işğal olunduqdan sonra adını Taqot etdikləri Ataqutu guya Azərbaycan dövləti dağıtmaqla məşguldur.

Adalet.az xəbər verir ki, jurnalist və blogger Ararat Petrosyan fevralın 18-də özünün Telegram kanalında foto yayımlayıb və ermənilərin içinə "lov" salıb.
O iddia edib ki, Ataqutda (Taqot) evlər, həyətlər sökülür.

Xatırladaq ki, Xocavəndin Ataqut kəndi Qarabağ dağ silsiləsinin ətəyində, Tuğ inzibati ərazi vahidində, rayon mərkəzindən 55 kilometr cənub-qərbdə, Ataqutçay sahilində yerləşir.

Ermənilərin yaydığı yalanlara Azərtac-ın həmin kənddən 2022-ci ildə hazırladığı reportajdan olan fotoları diqqətinizə çatdırırıq və görün ki, 32 il ermənilərin işğalında inləyən Ataqut nə günlərə qalıb. Sizcə, yöndəmsiz, ömründə təmir görməyən , xarabalığı xatırladan bu məkanı sökmək lazımdırmı, deyilmi?

Əntiqə Rəşid