Avtobuslar bir-biri ilə niyə ötüşür?!

Çox qəribədir ki, bəzi avtobuslar dayanacaqlara tez çatmaq, sərnişinləri götürmək üçün bir-biri ilə tez-tez ötüşürlər. Belə hadisələrdən biri avqustun 10-da saat 14:00 radələrində Babək prospektində 50 nömrəli avtobusla 64 nömrəli marşrutda işləyən nəqliyyat vasitəsində baş verdi. Belə ki, Babək prospektindəki körpünün üstündə 64 nömrəli avtobus 50 nömrəli avtobusu ötmək istədi.
Bu vaxtı 50 nömrəli avtobusun sürücüsü sürəti artırdı və avtobusun salonunda olan sərnişinlərə həyəcanlı anlar yaşatdı. Bir neçə saniyə hər iki avtobus körpünün üstündə bərabər istiqamətdə hərəkət edərək qorxulu anlar yaratdı. Sərnişinlərin etirazından sonra 50 nömrəli avtobusun sürücüsü sürəti azaltdı və 64 nömrəli nəqliyyat vasitəsini idarə edən sürücü isə onu ötüb keçdi.
Təbii ki, bax, belə anlarda bir çox hallarda ağır qəzalar baş verir. Ona görə də hər iki marşrutun sahibi sürücülərə tələbkarlığı artırmalı, sürət həddini aşan və sərnişinlərə qorxulu anlar yaşadan sürücüləri işdən çıxarmalıdılar.
Emil FAİQOĞLU
Digər Xəbərlər

Şuşa Müalicə-Sağlamlıq Mərkəzinin açılışı olub

Arzu və Leyla Əliyevalar həssas əhali qrupundan olan şəxslərə baş çəkdilər - FOTOLAR

Çaylarda sululuq artıb

Sabah 30° isti olacaq

Bakı şəhər prokurorluğunun yeni korpusunun açılışı oldu - FOTOLAR

Şuşa şəhəri: Gündüzdən gecəyə... - VİDEO

Arzu Əliyeva "Ümid Yeri" Uşaq Sığınacağını ziyarət etdi - VİDEO
