ABŞ prezidenti Donald Tramp Misirə səfəri zamanı Qəzza ilə bağlı Dünya liderləri ilə zirvə görüşü keçirməyi planlaşdırır.

Adalet.az xəbər verir ki, bu barədə “Axios” portalı məlumat yayıb.

Məlumata görə, zirvə görüşündə zirvə görüşündə Türkiyə, Almaniya, Fransa, Böyük Britaniya, İtaliya, Qətər, BƏƏ, İordaniya, Səudiyyə Ərəbistanı, Pakistan və İndoneziya liderlərinin və ya xarici işlər nazirlərinin iştirakı gözlənilir.

Qeyd edək ki, ABŞ tərəfinin zirvə görüşünə Azərbaycanı da dəvət etdiyi bildirilir.

Zirvə görüşündə İsrailin baş naziri Benyamin Netanyahunun iştirakı gözlənilmir.

Misirin prezident administrasiyasının açıqlamasına görə, Şarm əl-Şeyxdə keçiriləcək zirvə görüşündə Tramp da daxil olmaqla 20-dən çox lider iştirak edəcək.