Avropa İttifaqın Kipri ​​təmsil edən Avropa Parlamentinin deputatı Kostas Mavrides xislətinə uyğun şəkildə növbəti dəfə Türkiyəyə qarşı qərəzli fikirlər deyib

Adalet.az xəbər verir ki, Mavrides Brüsseldə Armenpress-ə müsahibəsində saxta erməni soyqırımının inkarı məsələsinə toxunub. O qeyd edib ki, Türkiyə prezidenti Rəcəb Tayyib Ərdoğan hökumətinin yürütdüyü inkar siyasətinə təkcə tarixi həqiqətlərin inkarı kimi deyil, həm də soyqırımın davamı kimi baxmaq lazımdır. Türkiyənin inkarı konkret cinayətdir"
Qeyd edək ki, Avropa Parlamentinin üzvü Kostas Mavrides mütəmadi olaraq, hər zaman qamarladığı yüksək kürsüdən Azərbaycan və Türkiyəyə əleyhinə danışıb . 2021-ci ildə Kipr, Sosialist-Demokratları təmsil edən bu deputatın təşəbbüsü ilə bütün böyük fraksiyalardan olan 30 millət vəkili AB-nin Xarici İşlər və Təhlükəsizlik Siyasəti üzrə Yüksək Nümayəndəsi Josep Borrellə məktub ünvanlayaraq Azərbaycan tərəfindən mülki və qadınlar da daxil olmaqla əsir götürülmüş ermənilərin qaytarılması üçün konkret addımlar atmalı olduğunu tələb kimi irəli sürmüşdü:" Bütün hərbi əsirlərin və məhbusların geri qayıtmasını şərtləndirən 10 noyabr 2020-ci il tarixli üçtərəfli atəşkəs razılaşmasına baxmayaraq, Azərbaycan bir çox erməni əsirini həbsdə saxlamaqda davam edir”.

 Xatırladaq ki, bu gün ermənilərin növbəti xəyal ürünü olan  qondarma erməni soyqırımının 110 illiyidir.   

 Əntiqə Rəşid