Oktyabrın 15-də Bakıda keçiriləcək beynəlxalq tədbirə hazırlıq çərçivəsində nəqliyyat vasitələrinin hərəkətinin təlimi keçiriləcək.

Adalet.az xəbər verir ki, nəqliyyat axınının təhlükəsiz və səmərəli idarə olunmasını təmin etmək məqsədilə təşkil edilən təlimlə əlaqədar oktyabrın 11-də saat 08:00–13:00 aralığında paytaxtın bir sıra küçə və prospektlərində nəqliyyatın hərəkəti üzrə müvəqqəti tənzimləmələr tətbiq olunacaq.

Təlim Mehdi Hüseyn, İstiqlaliyyət, Zərifə Əliyeva, Üzeyir Hacıbəyli, İzzəddin Həsənoğlu, Yusif Səfərov, Gülarə Qədirbəyova və Niyazi küçələrini, həmçinin Neftçilər və Heydər Əliyev prospektlərini əhatə edəcək.

Sürücülərdən və digər yol hərəkəti iştirakçılarından həmin gün səfərlərini əvvəlcədən planlaşdırmaları, mümkün sıxlığı nəzərə almaları və alternativ yollardan istifadə etmələri xahiş olunur.