Keniyada dini təriqət rəhbəri Pol Makkenzi 190 uşağın ölümünə görə 200 il müddətinə azadlıqdan məhrum edilib.

Adalet.az xəbər verir ki, bu barədə “Reuters” məlumat yayıb.

İstintaq materiallarına görə, uşaqlar Makkenzinin göstərişi ilə aclıq nəticəsində həyatlarını itiriblər.

Qeyd edək ki, Makkenzi 2023-cü ildə rəhbərlik etdiyi dini qruplaşmanın fəaliyyəti ilə bağlı araşdırma başladıqdan sonra saxlanılıb. Bir neçə həftə sonra hüquq-mühafizə orqanları ölkənin sahil bölgəsində yerləşən Şakahola meşəsində çoxsaylı insan meyitləri aşkar ediblər.