Qabaqlar hansı parka, hansı yeməkxanaya və çayxanaya gedirdin, orda çayniki 1 manata çay verirdilər. İndi çox nadir yerdə 1 manata çay verilər. Mən şəhəri demirəm, lap şəhərdən uzaq hər hansı bir yerdə Bakıda çay içmək istəsən, ən azı 7-8 manat pul ödəməlisən. Yanında da mürəbbə, konfet, şokalad olsa, bu 15 manata çatır. Başa düşmək olmur, bu qədər də insafsızlıq olar? Kiminsə ürəyi çay istəyirsə, isti yay günündə 1 stəkan çay içmək arzusundasa, çətin ki, o hardasa çayniki 1 manata çay tapıb içsin.

Allah bəzi adamlara insaf versin. O insaf ki, 1 çaynik çayı 7-8 manat yox, heç olmasa 2-3 manata versin. Mürəbbə-filan da lazım deyil. Sadəcə olaraq bizim nəzarət orqanları bu məsələlərə o qədər də önəm vermirlər. Deyirlər ki, bazar iqtisadiyyatıdır və hər şey bazar  tənzimləyir və biz sahibkarların işinə qarışa bilmərik. Amma lazım olanda qarışırlar və həmin sahibkarı elə günə qoyurlar ki, dədəsinin toyu yadına düşür.