Bu şəxslərə yaşayış sahələri veriləcək

Sosial kirayə müqavilələri əsasında qanunvericiliklə müəyyən edilən kateqoriyadan olan digər vətəndaşlara da dövlət və ya bələdiyyə mənzil fondunun yaşayış sahələri veriləcək.
Adalet.az xəbər verir ki, bu barədə məsələ Milli Məclisin bu gün keçirilən iclasında müzakirəyə çıxarılan Mənzil Məcəlləsinə təklif olunan dəyişiklikdə əksini tapıb.
Nəzərdə tutulmuş qanunvericiliklə müəyyən edilən kateqoriyadan olan digər vətəndaşlar sosial kirayə müqaviləsi əsasında dövlət mənzil fondunun yaşayış sahəsini əldə etmək məqsədilə yalnız bir dəfə yaşayış sahəsinə ehtiyacı olan qismində uçota alına bilərlər.
Qeyd edək ki, qüvvədə olan qanuna əsasən, sosial kirayə müqavilələri əsasında bu Məcəllə ilə və digər qanunvericilik aktları ilə müəyyən edilmiş əsaslarla yaşayış sahələrinə ehtiyacı olan hesab edilən aztəminatlı vətəndaşlara, o cümlədən sosial müdafiəyə ehtiyacı olan aztəminatlı gənclərə dövlət və ya bələdiyyə mənzil fondunun yaşayış sahələri verilir.
Müzakirələrdən sonra məsələ səsverməyə qoyularaq birinci oxunuşda qəbul edilib.
Digər Xəbərlər

Ötən il hasil edilən neft və qazın həcmi açıqlandı

İndiyə qədər azad olunmuş ərazilərə ayrılan vəsait açıqlanıb

"Qəzalı binalarla bağlı problemlərin həlli üçün vəsait nəzərdə tutulub"

"İllik inflyasiya hədəf diapazonu daxilində olub" - Baş nazir

Ötən il Azərbaycanda 781,8 milyon manatlıq hərbi məhsul istehsal edilib

Vergi ödəyicilərinə qarşı 637 cinayət işi başlanılıb

Ünvanlı dövlət sosial yardımın orta aylıq məbləği məlum oldu
