Buryatiyada ayı 1970-ci il təvəllüdlü kişiyə hücum edib. Ağır baş xəsarəti alan kişi xəstəxanada ölüb.

Adalet.az-ın xəbərinə görə, bu barədə respublika rəhbəri Aleksey Sıdenov "MAX" hesabında yazıb.

Faciə Zakamenski rayonunda, Xurtağa ulusunda, Şutxalan ərazisində baş verib. Kişi həyat yoldaşını avtobusa yola salıb, qəsəbədən qayıdarkən isə yolda ona ayı ona hücum edib.

"Məlum olub ki, kişi avtobus dayanacağına gedərkən öz mal-qarasını yoxlamaq üçün meşəyə dönüb və orada ayının hücumuna məruz qalıb. Təəssüf ki, kişini xilas etmək mümkün olmayıb. O, başından çox ağır xəsarətlər alıb. İki cərrah onun həyatı uğrunda mübarizə aparıb. Ailəsinə dərin hüznlə başsağlığı verirəm", - deyə Aleksey Sıdenov bildirib.

Hadisə yerində Buryatiya Təbiətə Nəzarət İdarəsinin mütəxəssisləri işləyirlər. Hücum yerində və ərazidə araşdırma aparılır. Qurum ayının məhv edilməsi qərarına gəlib.