Ceyhun Bayramov ABŞ dövlət katibinin köməkçisi ilə müzakirə apardı

Xarici işlər naziri Ceyhun Bayramov ABŞ dövlət katibinin Avropa və Avrasiya məsələləri üzrə köməkçisi Ceyms O’Brayn ilə görüş keçirib.
XİN-dən Adalet.az-a bildirilib ki, görüş zamanı iki ölkə arasında ikitərəfli və çoxtərəfli əməkdaşlıq gündəliyi, regionda mövcud vəziyyət, habelə Azərbaycan və Ermənistan arasında normallaşma prosesinin perspektivləri müzakirə olunub.
Azərbaycanla ABŞ arasında bir sıra istiqamətlərdə tarixi əməkdaşlıq münasibətlərlərinin əhəmiyyəti və qarşılıqlı maraqlar çərçivəsində ikitərəfli münasibətlərin inkişafının vacibliyi qeyd olunub.
Nazir Ceyhun Bayramov Azərbaycanın Ermənistanla sülh prosesinin əsas elementlərinin təşəbbüskarı kimi bölgədə sülh və sabitliyin bərqərar edilməsində maraqlı tərəf olduğunu vurğulayıb.
Eyni zamanda, normallaşmanın digər istiqamətlərindən biri olan Azərbaycanla Ermənistan arasında ikitərəfli əsasda sərhədin delimitasiyası üzrə danışıqların intensivləşməsinin əhəmiyyəti diqqətə çatdırılıb.
Görüşdə, habelə qarşılıqlı maraq doğuran digər ikitərəfli və regional məsələlər ətrafında fikir mübadiləsi aparılıb.
Digər Xəbərlər

Əli Əsədov Pakistan Milli Assambleyasının sədri ilə görüşüb - FOTO

Dəyirman öz işində, çax-çax baş ağrıdır… - Səxavət Məmməd yazır

Kəmaləddin Heydərov BMMT-yə üzv ölkələrin qurumlarının rəhbərləri ilə görüşdü - VİDEO

Azərbaycanla İordaniya arasında Saziş təsdiqlənib

İlham Əliyev Trampa başsağlığı verdi

Prezident onlara diplomatik rütbələr verdi - SƏRƏNCAM

Kəmaləddin Heydərovla Kurenkovla arasında ikitərəfli görüş olub - FOTO - YENİLƏNİB
