Ceyhun Bayramov misirli həmkarı ilə telefon danışığı aparıb

Azərbaycan xarici işlər naziri Ceyhun Bayramov ilə Misirin xarici işlər, miqrasiya və xaricdə yaşayan misirlilərlə iş naziri Bədr Əbdelati arasında telefon danışığı aparılıb.
Adalet.az xəbər verir ki, bu barədə Xarici İşlər Nazirliyi məlumat yayıb.
Bildirilib ki, telefon danışığı zamanı Azərbaycan ilə Misir arasında qarşılıqlı etimada əsaslanan dostluq münasibətlərinin, ikitərəfli və çoxtərəfli əlaqələrinin daha da inkişaf etdirilməsinin əhəmiyyəti vurğulanıb.
Beynəlxalq təşkilatlar və çoxtərəfli formatlar çərçivəsində əlaqələndirmə işlərinin təkmilləşdirilməsi, ölkələrin maraqlarına daxil olan istiqamətlərdə birgə səylərin artırılmasının vacibliyi qeyd olunub.
BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasında aparılan müzakirələr, qlobal əhəmiyyətli bu tədbirin iqlim dəyişmələri ilə mübarizə sahəsində rolu və yaşıl enerji sahəsində Azərbaycan-Misir əməkdaşlığı üçün əlavə imkanlar yarada biləcəyi diqqətə çatdırılıb.
Telefon danışığı zamanı həmçinin qarşılıqlı maraq doğuran regional məsələlər ətrafında fikir mübadiləsi aparılıb.
Digər Xəbərlər

Omanın Sultanı Azərbaycan prezidentinə təbrik məktubu ünvanladı

İran Prezidenti İlham Əliyevə məktub göndərdi

Ersin Tatar İlham Əliyevə təbrik etdi

İlham Əliyev Lü Tzyançaonu qəbul etdi - FOTO

Sahibə Qafarova Çin nümayəndə heyəti ilə görüşüb - FOTOLAR

İlham Əliyevlə Ştaynmayerin geniş tərkibdə görüşü oldu - VİDEO - YENİLƏNİB

Hesablama Palatasının hesabatı Milli Məclisə təqdim edilib
