Çexiya gələn ilin mayında Bolqarıstanın Burqas şəhərində keçiriləcək "Avroviziya-2027" beynəlxalq mahnı müsabiqəsində iştirak etməyəcək.

Adalet.az  xəbər verir ki, bu barədə Çexiyanın ictimai yayımçısı "Çeska televize" (CT) məlumat yayıb.

Bildirilib ki, iştirakdan imtinanın səbəbi maliyyə ilə bağlı problemlərdir. Daha əvvəl yayımçı 2027-ci ildə büdcə xərclərini əhəmiyyətli dərəcədə azaltmağı planlaşdırdığını açıqlamışdı.

Qeyd edək ki, sentyabr ayında İrlandiyanın RTE tele-radio şirkəti İsrailin Qəzza sektorundakı fəaliyyətlərinə etiraz olaraq ölkənin 2027-ci ildə "Avroviziya" mahnı müsabiqəsində iştirak etməyəcəyini və müsabiqəni yayımlamayacağını elan edib.

Avqust ayında Niderlandın "AVROTROS" tele-radio şirkəti də analoji açıqlama ilə çıxış edib.