“The Beatles” qrupunun üzvü Pol Makkartni doğulduğu anla bağlı bəzi görüntülərin yadında qaldığını düşündüyünü açıqlayıb.

Adalet.az xəbər verir ki, o, bu barədə Emi Pelerin “Good Hang” podkastında danışıb.

84 yaşlı musiqiçi Liverpulda dünyaya gəldiyi xəstəxananın ağ plitələrini və doğuş zamanı istifadə olunan metal alətlərin səslərini xatırladığını deyib.

Söhbət zamanı qızı Stellanın ən erkən xatirəsi haqqında verilən suala cavab verən musiqiçi öz doğum anına dair təəssüratlarını bölüşüb.

Makkartni danışdıqlarının həqiqi xatirələr, yoxsa sonradan zehnində formalaşan təsəvvürlər olduğuna əmin olmadığını bildirib.

Musiqiçi bu təəssüratları qəti xatirə kimi deyil, yaddaşında qalan görüntülər kimi təqdim edib.