Bakıda və onun ətrafında tixacları  aradan qaldırmaq üçün çox böyük layihələr həyata keçirilib. Və bu layihələr bu gün də həyata keçirilir və sabah da həyata keçiriləcək.

Amma görünən odur ki, bütün bu məsələlər heç də problemlərin tamamilə həllinə  kömək etməyib! Çünki bu çətinlikləri yoluna qoymaq o qədər də asan iş deyil. Təbii ki, bu gün də Bakıda hər gün tıxaclar olur. İnsanlar saatlarla tıxacda qalır, artıq yanacaq işlədir və əsəbləşir.

Artıq Bakıda şəxsi avtomobillə mənzil başına getmək hər bir sürücüdən səbr  və dözüm tələb edir. Və səbri , dözümü olmayanlar gərək sükan arxasında əyləşməsinlər. İndi də  deyirlər ki, Xırdalan dairəsində tıxacları aradan qaldırmaq üçün asma körpülər tikiləcək və bundan sonra həmin istiqamətdə tıxaclar aradan qaldırılacaq!

.Ancaq buna da bir o qədər inanmaq olmur. Ən azından ona görə ki, günbəgün regionlardan Bakıya axın davam edir. Paytaxtda həm insanlar çoxalır, həm də avtomobillər!Belə olanda da sıxlıq yaşanır.Ümumiyyətlə, Bakıda tıxaclar o vaxt tam aradan qaldırmaq üçün paytaxtı başqa yerə köçürmək lazımdır. Bu olmayana kimi Bakıda tıxaclar həmişə mövcud olacaq!!!

Emil Faiqoğlu