Son vaxtlar ölkəmizdə  bir neçə avtomobilin dayandığı və hərəkət etdiyi yerdə yanması faktı qeydə alınıb! Bu isə çox təhlükəlidir.

Çünki bəzi hallarda avtomobildə baş verən bu yanğın zamanı sürücü və sərnişinlər nəqliyyat vasitəsindən çıxa bilmir və  ölümlə nəticələnən  hadisə yaranır. Yəni maşındakı insanlar həlak olur.

Bunların qarşısın almaq üçün yol polisi ardıcıl olaraq maarifləndirmə işləri aparır və sürücülərə bildirir ki, hər bir nəqliyyat vasitəsində mütləq  yanğınsöndürən avadanlıq olmalıdır.Hətta nəqliyyat vasitələri texniki  baxışdan keçirilərkən yol polisi bütün avtomobildə bu avadanlığın olmağını tələb edir və avadanlıq yoxsa , həmin avtomobil texniki müayinəyə qəbul edilmir! Avtomobil üzrə mütəxəssis və usta Nəcəf Əliyev deyir  ki, maşınlarda baş verən yanğınlara səbəb  nəqliyyat vasitəsində yaranmış qısaqapanmadı.

Onu görə də mütamadi olaraq   avtomobillər elektrik  ustasının nəzarətində olmalı, mövcud texniki qüsurları vaxtında aradan qaldırılıdı. Bununla yanaşı, hər avtomobildə mütləq yanğınsöndürən avadanlıq olmalıdı.Çünki Allah uzaq eləsin, yanğın baş verəndə  yanğın söndərənlər gələnə  kimi, maşındakı avadanlıqdan istifadə etmək olar. Və bir də avtomobildə yanğın baş verəndə ətrafdakı insanlar sürücüyə heç bir kömək edə bilmir. Və yeganə çıxış yolu maşındakı yanğınsöndürən olur! Ona görə də hər bir sürücü idarə etdiyi  avtomobili saxlamalıdır ki, belə hadisələr  baş verməsin!

Emil FAİQOĞLU