Evini kirayə verənlərin nəzərinə: Gələn ildən...
Gələn ildən fiziki şəxslərə kirayə gəlirlərinin vergiyə cəlb edilməsi zamanı xərclərin nəzərə alınması imkanı yaradılacaq.
Adalet.az xəbər verir ki, bu, Milli Məclisin bu gün keçirilən iclasında müzakirə edilən Vergi Məcəlləsinə təklif olunan dəyişikliklər paketində öz əksini tapıb.
Dəyişikliklərə əsasən, yaşayış və ya digər əmlakını icarəyə təqdim edən fiziki şəxs vergi uçotuna daxil olaraq bəyannamə verməklə, həmin fəaliyyətlə bağlı çəkdiyi xərcləri əldə etdiyi gəlirdən çıxmaq və Vergi Məcəlləsinin 101.3-cü maddəsində müəyyən edilmiş dərəcə əsasında gəlir vergisi ödəmək hüququ əldə edəcək.
Bu imkandan yararlanmaq istəyən fiziki şəxs vergi orqanına və icarəçiyə müvafiq formada məlumat təqdim etməlidir. Məlumatın vergi orqanına verildiyi aydan sonrakı aydan başlayaraq həmin şəxsin icarə gəlirlərindən ödəmə mənbəyində vergi tutulması dayandırılacaq.
Vergi ilinin sonunda gəlir vergisinin hesablanması zamanı fiziki şəxsin il ərzində qazandığı gəlirlər və çəkdiyi xərclər nəzərə alınacaq. Əvvəlki dövrlərdə ödəmə mənbəyində tutulmuş vergilər isə hesablanmış illik gəlir vergisi məbləğindən çıxılacaq. Həmin vergilərin məbləği cari il ərzində tam nəzərə alınmadığı halda, qalan hissə sonrakı illərin vergi öhdəliklərinin azaldılmasına yönəldiləcək.
Qeyd edək ki, Azərbaycanda bu ildən yaşayış sahələrinin kirayəyə verilməsindən əldə olunan gəlirlər üzrə vergi dərəcəsinin 14 %-dən 10 %-ə endirilib. Mehmanxana və mehmanxana tipli obyektlərdə yerləşən yerləşmə vəsaitləri istisna təşkil edir. Kirayə haqqı vergi ödəyicisi qismində uçotda olmayan fiziki şəxs tərəfindən ödənildiyi təqdirdə, kirayəyə verən şəxs özü və ya onun təyin etdiyi vergi agenti vasitəsilə müvafiq qaydada vergini ödəyəcək.
Müzakirələrdən sonra layihə səsverməyə qoyularaq birinci oxunuşda qəbul edilib.
Digər Xəbərlər
19 Noyabr 2026 13:00
AZAL Naxçıvan əhalisinə niyə zülm edir? - Elxan Şükürlü yazır
19 Noyabr 2026 11:56
Hikmət Hacıyev: Ermənistanın 200-dən çox kütləvi məzarlığın yerini açıqlamasını gözləyirik
19 Noyabr 2026 11:35
“Dünya misli görünməmiş kiberdəyişikliklərin başlanğıcındadır” - DTX-nin rəis müavini
19 Noyabr 2026 11:27
"Süni intellekt informasiya müharibələrinin xarakterini dəyişib" - Dövlət Xidmətinin rəisi
19 Noyabr 2026 11:03
İlqar Musayev: Süni intellekt informasiya müharibələrinin xarakterini dəyişir
19 Noyabr 2026 10:59
“Zəfərdən sonra Ağdamın iqtisadiyyatı 8 dəfə böyüyüb”
19 Noyabr 2026 10:07
Məleykə Abbaszadə BDU-nun rektoru təyin edildi
19 Noyabr 2026 10:06


Bakı -°C

