Eyni yerdə daha bir qanunsuz tikintinin qarşısı alındı

Dövlət Şəhərsalma və Arxitektura Komitəsi yanında Bakı Şəhər Memarlıq və Şəhərsalma Baş İdarəsi tərəfindən Bakı şəhərinin Səbail rayonu, Əhməd Cavad küçəsində (Fəvvarələr meydanı yaxınlığında) növbəti dəfə ictimai sahənin qanunsuz zəbt edilməsi faktı aşkar edilib.
Komitədən Adalet.az-a bildirilib ki, eyni ünvanda ötən ilin mart ayında, cari ilin yanvar və mart aylarında keçirilmiş baxışlar zamanı da qanunsuz artırma işlərinin aparıldığı müəyyən olunub.
Bundan əvvəl Bakı Şəhər Memarlıq və Şəhərsalma Baş İdarəsi tərəfindən şəhərsalma qaydalarına uyğun həyata keçirilmiş monitorinqlər nəticəsində oxşar hallarla bağlı bir neçə dəfə qanunsuz tikinti işlərinin qarşısı alınıb, söküntü işləri aparılıb və qanunvericiliyə uyğun olaraq ərazinin nəzarətdə saxlanılması məqsədilə Bakı şəhər İcra Hakimiyyətinə müraciət edilib. Lakin Baş İdarə tərəfindən dövlət qurumlarına müraciət və sahibkarlara xəbərdarlıq edilsə də, yenidən həmin ərazidə özbaşına quraşdırma işlərinə başlanılmış və ictimai sahənin bir hissəsi müxtəlif konstruksiyalarla zəbt edilərək, gediş-gəlişə maneə yaradılmışdır.
Hazırda ərazidə aparılan işlər dayandırılıb.
Digər Xəbərlər

Novruz bayramında hava necə olacaq?

Prezidentin Suqovuşan sakinləri ilə görüşünün VİDEOSU

Leyla Əliyeva Qırmızı qəsəbədə “Altı günbəz” sinaqoqu ilə tanış olub - FOTOLAR

Prezident və xanımı Suqovuşan sakinlərinə evlərinin açarlarını təqdim etdilər - YENİLƏNİB + FOTOLAR

Leyla Əliyeva Qırmızı qəsəbədəki Dağ Yəhudiləri Muzeyini ziyarət edib - FOTOLAR

İlham Əliyev və xanımı Ağdərədə Novruz tonqalını alovlandırdılar - YENİLƏNİB + FOTOLAR

Leyla Əliyeva bayramı şəhid övladları ilə keçirdi - FOTOLAR
