“İran prezidenti Pezeşkian deyir ki, “İran qonşu ölkələrin suverenliyinə hörmətlə yanasır". Qətiyyən belə deyil. Reallıqda İran ordusu və SEPAH düşməni olan ABŞ və İsrail əvəzinə, Tehranı qorumaga çalışan, onu qismən dəstəkləyən və ya neytral olan qonşu ölkələrin mülki obyektlərinə zərbə endirir”. 

Adalet.az xəbər verir ki, bunu hərbi ekspert Ədalət Verdiyev deyib. 

“Bu çox böyük səhvdir və bunun qarşılığı bütün İran hakimiyyəti və əhali üçün ağır olacaq. İran lazımsız yerə qonşuların hamısını özünə düşmən etdi.Ağına və bozuna baxmadan İran tərəfindən mülki obyektləri bombalanan həmin qonşu ölkələr imkan düşən kimi, yəqin ki, bir-iki həftədən sonra, İrana cavab zərbəsi endirəcəklər.Bu cavab zərbələrinın günahı tamamilə Iranın üzərində qalacaq. Müharibə tez ya gec bitəcək, İran məğlub olacaq, amma qonşuların İrana etibarı yaxın onillikdə bərpa olunmayacaq”, - deyə o, bildirib. 

Vasif ƏLİHÜSEYN