Fransadakı etiraz təşkilatçıları ölkə daxilində 800.000 insanın etirazlarda iştirak etdiyini bildiriblər.

Adalet.az xəbər verir ki, bu barədə BFMTV məlumat yayıb. 

17 oktyabr şənbə günü axşama qədər Parisdə 13 yetkinlik yaşına çatmayan da daxil olmaqla 195 nəfər saxlanılıb.

Paris prokurorluğunun məlumatına görə, paytaxtın bütün rayonlarında həbslər həyata keçirilib. Bu həbslərin əsaslarına zorakılıq və əmlaka ziyan vurmağı planlaşdıran qruplarda iştirak etmək, silah (bıçaq da daxil olmaqla) gəzdirmək, partlayıcı maddələr saxlamaq, üzünü gizlətmək və zorakılıq tətbiq etmək şübhələri daxildir. Əvvəlki məlumatlara görə, günorta saatlarına qədər ölkə üzrə həbslərin sayı 272-yə çatmışdı.

İğtişaşlar fonunda Baş nazir Sebastyan Lekornu və keçmiş Baş nazir Qabriel Attal zorakılığı pisləyən sərt bəyanatlar veriblər.  

17 oktyabr etirazları yaşayış qiymətlərinin artmasından narazı olanları, tələbələri, həmkarlar ittifaqı fəallarını və "sarı jiletlilər" hərəkatının tərəfdarlarını bir araya gətirib.