Gözəllik anlayışı da bir çox anlayışlar kimi nisbidir. Qadın gözəlliyi isə tarix boyu insanlığın ən əsas mövzularından biri olub. Bir neçə beynəlxalq sosial araşdırmalara görə, cəlbedici və gözəl qadınlar daha bacarıqlı və ağıllı olurlar. Təbii olaraq istənilən sahədə gözəl qadınlara rast gəlmək olur. Lakin sırf olaraq gözəl qadınların işləməli olduğu bəzi peşələr var ki, bu dəfə o peşələr barədə sizə məlumat vermək qərarına gəldim.

Misal üçün hava yolları ilə səyahət etdiyiniz zaman,stüardessalardan ibarət bir heyət tərəfindən müşaiət edilirsiniz. Bu peşə sahiblərinin əksəriyyəti bildiyiniz kimi gözəl qadınlar olur. Uçuşun müddətindən aslı olmayaraq stüardessalar uçuş müddətində hər zaman gözəl makyajda olur, səliqəli və gümrah görünürlər.

Rəhbər vəzifədə çalışanların əksəri çox zaman öz şəxsi köməkçilərini də gözəl qadınlardan seçirlər. Çünki iş görüşmələrinə, tədbirlərə gedərkən yanlarında gözəl qadın olmasını istəyirlər.

Hollivud inanılmaz dərəcədə gözəl qadınlarla doludur. Rejissorlar qeyri-adi gözəlliyə malik qadınları filmlərə çəkməyə daha üstünlük verirlər. Hollivud ulduzlarının bir çoxu incə gözəlliyə və çox insanın arzuladığı bədən quruluşuna sahibdirlər.

Həmçinin işə götürən şəxslər inzibatçıların gözəl görünməsinin mütləq olduğunu düşünürlər. Çünki bu işçilər ofisin girişində olduqları üçün müştərilərin binaya daxil olduqda gördükləri ilk şəxslərdir. Həmin şəxslərdə xoş təəssürat yaratmaq üçün gülərüz və cəlbedici birini işə götürmək istəyirlər.

Bikini modelləri də ən gözəl qadınlardan seçilir. Bir çox qadınlar onların sadəcə üz cizgilərinə deyil həmçinin bədən quruluşlarına da həsəd aparırlar. Əslində sağlam qidalanmaq və idmanla məşğul olmaqla bu bədən quruluşuna sahib olmaq mümkündür.

İdman yarışlarında rinqlər arasında raundları təqdim edən qadınlar da ən gözəl qadınlar hesab olunur. Hakim tərəfindən raundlar açıqlandığı vaxtda gözəl xanımların rinqə çıxaraq yeni gedişi elan etməsi hamıda maraq doğurur. Bunun səbəbi testosteronla dolu idman zalına, biraz da estrogeni əlavə etməkdir.

Məktəb illərini xatırladıqda, tədris metodları ilə fərqlənən müəllimlər var idi. Lakin düzünə qalsa, cəlbedici və gözəl müəllimlər daha çox yadda qalırdı. Müəllimlik də gözəl qadınların çoxluq təşkil etdiyi peşə sahəsidir.

Televiziyadan hava proqnozlarını izləmək heç də maraqlı deyil. Maraqlı və daha baxımlı verilişin alınması üçün televiziyalarda gözəl qadınları işə cəlb edirlər. Beləliklə gözəllik bir çox hallarda işə yarayır. Hər zaman gözəllik içində olun!

HAZIRLADI: BÜNYAMİN BÜNYADZADƏ