Norveç millisinin və "Mançester Siti"nin futbolçusu Erlinq Haalandın başına bədbəxt hadisə gəlib.

Adalet.az xəbər verir ki, Haaland DÇ-2026-nın seçmə mərhələsinin Moldova ilə matçı ərəfəsində Oslodakı bir oteldə komandanın avtobusundan düşərkən xəsarət alıb. Futbolçular avtobusdan çıxıb otelə gedərkən qapı Erlinqin üzünə dəyib. 

25 yaşlı hücumçu sosial şəbəkə hesablarında öz fotosunu paylaşıb və üzünə 3 tikiş qoyulduğunu bildirib. 

Xatırladaq ki, Norveç millisi ilə Moldova arasındakı matç sabah keçiriləcək.