adalet.az header logo
  • Bakı 33°C
  • USD 1.7
05 Avqust 2022 14:25
243
MƏMLƏKƏT

HACI ŞAHİN DİN XADİMLƏRİ İÇİNDƏ ƏN AYDIN ADAMLARDAN BİRİDİR

 

İndi, xüsusilə son zamanlar ölkədə görkəmli, tanınmış adamların adından  saytlar  və sosial  şəbəkələrdə uydurulmuş məlumatlar  yayımlanır. Sonra da bu məlumatlar ətrafında  müzakirələr  açılır, söyüşün-qarğışın biri bir qəpik. Bu uydurma  məlumatları yayanlar xaricdən maliyyələşən, həm də ilana ağ verən  içimizdəki  kərtənkələlərdən ibarət qruplardı.

Bu günlərdə bir sayt mənim adımdan bir açıqlama  paylaşmışdı. Diqqətli oxucu, məni tanıyan  oxucu o dəqiqə anlaya bilərdi ki, bu açıqlama  nə mənim deyim tərzimdi, nə də yazı tərzim. Amma neyləyirsən, altında nə qədər  söyüş, təhqir vardı. Nə isə, fikir vermədim. 

İndi baxıram bu həssas dönəmdə, yəni Məhərrəmlik ayında məzhəb davası qızışdırmaq istəyənlər Hacı Şahinin adından uydurma  statuslar paylaşıblar. Altda da millət  bölünüb iki yerə – sünni-şiə davası, biri  bir qəpik...  Cahil  adamlar.

Hacı Şahini Azərbaycan  xalqı yaxşı tanıyır. O, din xadimləri  içində  ən aydın  adamlardan  biridir və həmişə dövlətin  və dövlətçiliyin  yanında olub.

Respublika Prokurorluğu  son zamanlar feyk xəbərlər  yazan jurnalistlərlə bağlı haqlı olaraq  ciddi  addımlar atır. Yaxşı olar ki, milləti parçalamaq istəyən,məzhəb davası  salmaq istəyən  qrupları da  bir araşdırsın və bu dövlətçiliyə qarşı  cinayət olduğuna görə də həmin şəxsləri tapıb cinayət məsuliyyətinə cəlb eləsin.