HƏMAS ABŞ, Qətər və Misirin Qəzzalı girovların azad edilməsi və avqustun 15-nə planlaşdırılan atəşkəs razılaşması üzrə danışıqların yekun raundunu rədd edib. 

Adalet.az xəbər verir ki, bu barədə Amerikanın "Axios" xəbər portalı məlumat yayıb.

HƏMAS buna səbəb olaraq, İsrailin baş naziri Binyamin Netanyahunun yaxınlarda irəli sürdüyü yeni şərtlər və tələbləri, İsrailin HƏMAS-ın siyasi lideri İsmayıl Haniyəni öldürməsini və İsrailin Qəzza zolağında çoxu mülki olmaqla onlarla fələstinlinin ölümünə səbəb olan son hava hücumlarını göstərib.